| Fundargerð aðalfundar 2010 |
|
Fundargerð aðalfundar LS þann 8.-9. apríl 2010. Fundurinn var haldinn á Hótel Sögu. Aðalfundur Landssamtaka sauðfjárbænda Bændahöllinni við Hagatorg
8. - 9. apríl 2010
Aðalfundurinn var settur í fundarsalnum Harvard á 2. hæð Hótels Sögu, kl. 10:00 þann 8. apríl.
Fimmtudagur 8. apríl
1. Fundarsetning og kosning embættismanna fundarins. Sindri Sigurgeirsson formaður bauð fundarmenn velkomna og gat þess að 25 ár væru frá stofnun samtakanna. Fór hann yfir breytingar á neyslu sauðfjárafurða á þessu tímabili, þá stöðu sem nú væri uppi hjá sauðfjárbændum og fjármálaumhverfið sem bændur þurfa nú að starfa í. Þá ræddi hann um hver staða íslenskra sauðfjárbænda yrði ef gengið væri í ESB og taldi hann að sú umræða að sauðfjárbændur færu ekki eins illa og aðrar greinar út úr því væri á villigötum, bændur þyrftu að berjast sameiginlega á móti inngöngu í ESB. Setningarræða Sindra er birt í heild sinni á vef LS – saudfe.is
Sindri setti fund og gerði að tillögu sinni að fundarstjórar yrðu Aðalsteinn Jónsson, Klausturseli og Þórhildur Þorsteinsdóttir Brekku, og tóku þau þegar til starfa. Fundarstjóri lagði fram þá tillögu að fundarritarar yrðu Ásta Flosadóttir og Einar G. Örnólfsson, einnig að tölvuritari yrði Torfi Bergsson og væri hann þegar tekinn til starfa. Var tillagan samþykkt samhljóða. Þá lagði fundarstjóri til að fulltrúar í kjörbréfanefnd yrðu Böðvar Sigvaldi Böðvarsson formaður, Baldur Björnsson og Jóhannes Sigfússon og var það samþykkt.
2. Ávörp gesta.
Jón þakkaði þann heiður að fá að ávarpa samkomuna og óskaði hann samtökunum til hamingju með 25 árin. Ræddi hann um upptöku og breytingu á samningum bænda við ríkið og bændur sýndu ábyrgð þar, kom hann inn á samþykkt matvælafrumvarpsins sem hefðu verið eitt mesta átakamál gagnvart neytendum á síðustu árum. Búið er að tryggja fjármuni til jarðræktarframlaga á þessu ári, 130 milljónir en þeir fjármunir koma úr sauðfjársamningi og mjólkursamningi. Ræddi hann um breytingu á sölu kindakjöts þar sem innanlandsala hefur dregist saman en útflutningur aukist, einnig væri vaxandi áhugi á ullarvörum innanlands. Sérstakt framlag var veitt á fjárlögum til verkefnisins Beint frá býli. Þá ræddi hann um aðildarumsókn að ESB. Hann greindi einnig frá því að skipaður hefur verið starfshópur til að fara yfir jarðalögin.
b) Haraldur Benediktsson formaður Bændasamtaka Íslands. Fór yfir þau mál sem eru efst á baugi hjá BÍ núna, sagði að skuldamál bænda væru í skoðun og taldi hann að almenn lækkun skulda væri það sem dygði flestum, sértækar aðgerðir þyrfti annarsstaðar, tími til aðgerða væri runninn upp, bankar virtust tilbúnir og ekki stæði á BÍ að taka þátt í þeim viðræðum. Sagði hann að nýbúið væri að ráða lögmann til BÍ sem er Elías Blöndal Guðjónsson. Þá sagði hann að búnaðarlagasamningurinn væri að renna út og lítill vilji væri hjá ríkisstjórn að ræða nýjan. Barátta gegn ESB falli ekki öllum vel í geð, hún ynni trúlega gegn því að við fengjum endurnýjaðan búnaðarlagasamning. Glærur sem Haraldur sýndi með sínu ávarpi eru birtar á vef LS – saudfe.is
c) Jóhannes Kristjánsson, fyrsti formaður LS. Jóhannes byrjaði á að óska félaginu til hamingju með áfangann, rakti hann ástæðurnar fyrir því að LS var stofnað fyrir 25 árum. Svipuð umræða hefði verið þá og nú en birgðir á kjöti voru miklar og offramleiðsla á kjöti. Einar á Skörðugili væri upphafsmaður að stofnun félagsins eða jafnvel Halldór Pálsson fv. Búnaðarmálastjóri, þeir ræddu um þetta haustið 1984. Jóhannes las upp minnispunkta frá Einari og samskipti hans og Halldórs. Fyrsti fundurinn var haldinn 9. mars 1985 í Staðarskála á Hrútafirði, undirbúningsfundur var svo haldinn á Hótel Sögu 11. apríl 1985, þar mættu um 50 manns. Stofnfundur var síðan haldinn á Hvanneyri 17. - 18. ágúst 1985, þá höfðu verið stofnuð félög víða um landið og safnað félögum en 1432 höfðu skráð sig í félagið. Sagði Jóhannes að afurðastöðvarnar hefðu verið erfiðar í samskiptum og mikill titringur í félagskerfinu, geymslugjöld og útflutningsbætur verið til trafala, afurðastöðvarnar hefðu fengið afurðalán á lágum vöxtum en lánuðu svo bændum og hirtu vaxtamismuninn. Þá minntist hann á sögulegan fund á Hvanneyri og þann hita sem oft var í umræðunni.
4. Skýrsla stjórnar LS. Sigurgeir Sindri Sigurgeirsson, formaður LS kynnti skýrslu stjórnar. Skýrslan lá prentuð fyrir fundinum og er auk þess birt á vef LS – saudfe.is
4.1. Skýrsla um framvindu mála frá aðalfundi 2009. Sigurgeir Sindri Sigurgeirsson, formaður LS kynnti skýrslu um framvindu mála frá aðalfundi 2009. Skýrslan lá prentuð fyrir fundinum og er auk þess birt á vef LS – saudfe.is
4.2. Skýrsla fulltrúa LS í stjórn Ístex. Sigurður Eyþórsson,fulltrúi LS í stjórn Ístex kynnti skýrsluna. Skýrslan lá prentuð fyrir fundinum og er auk þess birt á vef LS – saudfe.is
4.3. Skýrsla framkvæmdastjóra Markaðsráðs. Sigurður Eyþórsson, framkvæmdastjóri Markaðsráðs kindakjöts kynnti skýrslu sína. Skýrslan lá prentuð fyrir fundinum og er auk þess birt á vef LS – saudfe.is
4.3. Reikningar LS. Sigurður Eyþórsson, framkvæmdastjóri LS, kynnti reikninga samtakanna. Afkoman var svipuð og á síðasta ári. Reikningarnir lágu fyrir fundinum áritaðir og endurskoðaðir. Rekstrarniðurstaðan var 4.4 milljóna afgangur. Tekjur voru 12.1 millj. En gjöld 9.4 millj. fyrir fjármagnsgjöld og tekjur. Eigið fé er alls tæpar 31.9 milljónir. Reikningarnir lágu prentaðir fyrir fundinum og eru auk þess birtir á vef LS – saudfe.is 4.3. Daði Már Kristófersson. Daði fór yfir hvernig hefði gengið að safna rekstrargögnum frá bændum í gagnagrunn hjá BÍ. Um 150 sauðfjárbú eru í grunninum, bændur þurfa að vera duglegri að senda inn gögn og oftar. Grunnurinn hefur verið mjög gagnlegur í samskiptum BÍ við bankana. Glærur með fyrirlestri Daða eru aðgengilegar á vef LS - saudfe.is
5. Skýrsla kjörbréfanefndar og kynning fulltrúa.
Kjörbréfanefnd taldi þessa fulltrúa alla vera réttkjörna á aðalfund og voru þeir samþykktir.
Ennfremur sátu fundinn stjórnarmenn LS og framkvæmdastjóri. Sindri Sigurgeirsson formaður LS, Bakkakoti Þorvaldur H. Þórðarson meðstjórnandi LS, Stað Þórarinn Ingi Pétursson gjaldkeri LS, Laufási Baldur Grétarsson ritari LS, Kirkjubæ Gunnar Þórisson skoðunarmaður LS, Melum Sigurður Eyþórsson framkvæmdastjóri LS.
Fulltrúalisti er aðgengilegur á vef LS – saudfe.is
Hádegisverður
6. Umræður um skýrslu stjórnar og reikninga. Aðalsteinn Jónsson þakkaði framkomnar skýrslur. Ræddi hann um Lífeyrissjóð bænda, spurði hvort það hefði verið skoðað að sameina hann öðrum sjóðum. Varðandi afurðamál þá sagði hann verðhækkun hafa orðið til bænda frá 2007 en smásöluverð hefði hækkað minna. Af því hlyti að leiða að rekstur afurðastöðva væri erfiður. Varhugavert væri að leggja geymslugjöldin niður og setja inn í beingreiðslur til bænda eins og kemur fram í ályktun frá Landssamtökum sláturleyfishafa. Aðalsteinn taldi sauðfjárbændur þurfa að eiga kost á að fá slátrun í heimahéraði m.a vegna verkefnisins Beint frá býli.
Erlendur Ingvarsson spurði hvort ekki þyrfti að opna sauðfjársamninginn til að taka tillit til ályktunar sláturleyfishafa.
Sigvaldi Ragnarsson óskaði félaginu til hamingju með aldarfjórðunginn, þakkaði góðar framsögur, og þá sérstaklega upprifjun Jóhannesar á Höfðabrekku um stofnun félagsins. Þá ræddi hann um skuldamál bænda. Hann varaði við inngöngu í ESB og taldi að innganga þangað myndi ganga af íslenskum landbúnaði dauðum. Undraðist hann málflutning formanns dýralæknafélagsins undanfarið. Vakti hann athygli á tveimur málum frá síðasta fundi þ.e. um garnaveiki og varnarlínur, sem væru í fullu gildi ennþá.
Fanney Ólöf Lárusdóttir þakkaði framlagðar skýrslur. Taldi hún gott að fjárhagsstaða samtakanna væri góð. Mikilvægt að samtökin geti sinnt sínu starfi vel. Heimasíða samtakanna væri góð, þar væru alltaf nýjustu landbúnaðarfréttirnar og saudfe.is væri því ein af þeim síðum sem alltaf væri skoðuð þegar sest væri við tölvuna. Þá sagði hún sorglegt að ríkisstjórnin sæi ekki annað betra til að koma þjóðfélaginu í gang en að setja á vegatolla og þannig auka enn á skatta landsbyggðarinnar.
Einar Ófeigur Björnsson þakkaði ágætar ræður og skýrslur fundarins, sagði að taka þyrfti á málum Lífeyrissjóðs bænda, engir aðrir kostir væru en að bændur þurfi að borga mótframlag ef ríkið gerir það ekki. Þá sagði hann að hluti af hækkun verðs á kjöti væri vegna hækkaðs verðs á útflutningi. Varðandi dýralæknamál sagði hann að það væri ekki hægt að líða það að dýralæknar væru að auka sínar tekjur vegna gengishækkana. Slæm staða sauðfjárbænda kæmi vel fram í verðgrunninum.
Guðundur Grétar Guðmundsson svaraði hugmynd um sameiningu Lífeyrissjóðs. bænda við aðra sjóði. Hún hefði verið skoðuð fyrir hrun en ekki núna. Staða Lífeyrissjóðsins væri alvarleg, mótframlag yrði rukkað af bændum um mitt ár. Við yrðum að fá heildarmynd af verðmyndun í afurðastöðvum, sameining afurðastöðva væri ekki lausn. Þá ræddi hann um ullarmat, bændur fá ekki upplýsingar um hvað er að mati ef ullarmat stenst ekki, bændur þyrftu líka að vanda sig betur við það. Fjárhagsstaða bænda væri ekki viðunandi.
Helgi Haukur Hauksson þakkaði góð erindi og hrósaði skipulagi fundarins. Spurði stjórn um hvort vitað væri til þess að LBHÍ hefði sett sér einhverja framtíðarsýn um rannsóknir í sauðfjárrækt.
Arnór Erlingsson þakkaði fyrirkomulag á skipulagi fundarins, að senda út gögn til fulltrúa fyrir fund. Spurði hvort sama gilti um vélalán og bílalán í skuldbreytingu. Slæmt væri ef svína og kjúklingakjöt héldi niðri kjötverðinu.
Jóhannes Sigfússon ræddi verðmyndun dilkakjöts. Innanlandsverð stóð í stað en útflutningsverð hækkaði. Ræddi einnig þá umræðu margra sláturleyfishafa að ekkert væri framundan annað en lækkun afurðaverðs til bænda sem og ásökun þeirra gagnvart Fjallalambi um undirboð og jafnvel reikningafölsun.
Bragi Vagnsson þakkaði góðar framsögur, spurði hvers vegna litlu sláturhúsin stæðu betur en þau stærri, stóru sláturleyfishafarnir stýri verði til bænda.
Gunnar Þórarinsson þakkaði skýrslur og erindi, minntist á erindi í útvarpi þar sem sagt hefði verið að á Íslandi væru aðeins 3200 búfjáreigendur 2009 og taldi að það væri tekið úr forðagæsluskýrslum en þar er aðeins eitt nafn frá hverju búi en þyrfti að vera hægt að skrá alla sem að búinu standa. Þá lagði hann til að haldin yrði fundur (eða ráðstefna) þar sem fjallað yrði um ræktunarstarfið í sauðfjárræktinni þ.e. framkvæmd, stöðu og mörkuð yrði stefna eða áherslur til framtíðar. Á þennan fund kæmu ráðunautar, rannsóknarfólk og bændur og bæru saman bækur sínar.
Þóra Sif Kópsdóttir þakkaði stjórn fundaferð sem stjórnin fór í, þá þakkaði hún einnig unglambaskinnaverkefnið sem hún tók þátt í. Varðandi Albencare ormalyfsmálið væri ekki gott að reka svona í fjölmiðlum og ekki gott að fá dýralækna á móti sér, taldi einnig að afurðaverð þyrfti að hækka.
Kjartan Jónsson þakkaði framkomin mál, taldi hann að staðgreiðsla á kjöti væri ekki komin raunverulega á þar sem sláturleyfishafar borgi ekki strax inn á reikninga bænda. Lýsti jafnframt andstöðu við hugmyndir um vegatolla. Velti hann upp gamalli hugmynd um sölusamtök sauðfjárbænda og eigendur sláturhúsa myndu bjóða í slátrun, það gæti lækkað flutning.
Bjarni Másson spurði um viðbrögð sláturleyfishafa í haust í heimsóknum LS manna. Þá taldi hann að álykta þyrfti gegn vegtollum.
Sigurður Eyþórsson svaraði og sagði að tvö erindi lægju fyrir fundinum frá sláturleyfishöfum, sennilega þyrfti ekki að taka upp samninginn vegna þess en breyta þyrfti gæðastýringarreglugerð, væri það vilji fundarins að taka undir það sem þar kæmi fram.
Sindri Sigurgeirsson sagði að stjórnin hefði tvisvar hitt menn hjá MAST um garnaveikimál en þeir dragi lappirnar. Taka þyrfti varnarlínumálin saman í einu lagi og ræða við ráðuneytið. Varðandi vegtolla væri hann alfarið á móti þeim. Rétt væri að bændur þurfi að bæta við sig mótframlagi í Lífeyrissjóðinn um mitt ár. Þá ræddi hann um lyfjamál og þær umræður sem hafa verið undanfarið, taldi nauðsynlegt að ræða þetta því bændur þurfi að vita um þessi mál, það þyrfti að sýna dýralæknum aðhald. Varðandi sameiningarmál afurðastöðva sagðist hann virða öll sjónarmið sem komi þar fram, alltof margir sláturleyfishafar væru að gera það sama, skoða þyrfti vel kosti þess og galla að sameina sláturleyfishafa. Varðandi ullarmat, þá er komin fram hugmynd um að skerpa skilin á milli 1. og 2. flokks. Vegna breytinga á búrekstri hjá LBHÍ hefur ýmislegt verið rætt, ræða þarf hvaða markmið í rannsóknum á setja sér. Lögð er áhersla á að vélalán verði skoðuð í samræmi við bílalánin við niðurfellingu. Þá ræddi hann um verðmyndun hjá sláturleyfishöfum og þá erfiðleika að fá réttar tölur þar um, fagnaði hugmynd Kjartans um sölusamtök. Full heimild væri til að færa á milli liða í sauðfjársamningnum án þess að taka upp samninginn. Sindri sagði stjórn LS mjög duglega og þar hefðu allir lagt sitt af mörkum.
7. Mál lögð fram og vísað til nefnda Fyrir fundinum lá tillaga stjórnar LS að skiptingu fulltrúa í nefndir ásamt tillögu að því hvaða mál skyldu ganga til hverrar nefndar samkvæmt númerum sem tillögurnar hafa í gögnum sem lágu fyrir fundinum.
Einar Ófeigur Björnsson, formaður Böðvar Sigvaldi Böðvarsson Jón Kristófer Sigmarsson Snorri Kristjánsson Sigvaldi H. Ragnarsson Þorsteinn Logi Einarsson Baldur Björnsson Þórhildur Þorsteinsdóttir Atli Már Traustason Jóhannes Sigfússon
Fanney Ólöf Lárusdóttir, formaður Heiða Helgadóttir Jón Egill Jóhannsson Jóhann Pétur Ágústsson Erlendur Ingvarsson Helgi Haukur Hauksson Jóhann Ragnarsson Jakob Sigurjónsson Ágúst Rúnarsson Sigurbjörn Karlsson Guðbrandur Björnsson
Lárus H. Sigurðsson, formaður Aðalsteinn Jónsson Baldvin Björnsson Ásta Flosadóttir Guðbrandur Sverrisson Anna Berglind Halldórsdóttir Ólafur Þ. Gunnarsson Bragi Vagnsson Ármann Guðmundsson
Halldóra Björnsdóttir, formaður Bjarni Másson Einar G. Örnólfsson Albert Guðmundsson Guðmundur Grétar Guðmundsson Kjartan Jónsson Bjarni Bragason Matthildur Hjálmarsdóttir Arnór Erlingsson Guðrún Agnarsdóttir
Gunnar Þórarinsson, formaður Þóra Sif Kópsdóttir Birgir Ingþórsson María Dóra Þórarinsdóttir Böðvar Baldursson Birgir Arason
Fundi frestað til kl. 19.30
8. Afgreiðsla mála
Allsherjarnefnd
2.1 Varnarlínur Framsögumaður: Guðbrandur Björnsson Aðalfundur Landssamtaka sauðfjárbænda 2010 skorar á sjávarútvegs- og landbúnaðarráðherra að tryggja nægt fjármagn til viðhalds varnarlína. Aflagðar varnarlínur skal bjóða sveitarfélögum til yfirtöku, að öðrum kosti verði aflagðar girðingar fjarlægðar. Samþykkt samhljóða
2.2 Varnarlínur Framsögumaður: Fanney Ólöf Lárusdóttir
Sigvaldi Ragnarsson tók til máls og taldi að ekki væri síður þörf að hafa samband við hagsmunaaðila þegar nýjar línur væru settar. Tillögunni var vísað aftur til nefndar.
2.3 Um líflambasölusvæði. Framsögumaður: Erlendur Ingvarsson Aðalfundur Landssamtaka sauðfjárbænda 2010 beinir því til Matvælastofnunar að leggja ríka áherslu á að verja viðurkennd líflambasölusvæði fyrir sjúkdómum sem ekki eru þekktir á viðkomandi svæði. Mikilvægt er að fyllstu varúðar sé gætt á svæðum næst líflambasölusvæðum til að tryggja heilbrigði sölulamba. Jafnfram er óskað eftir að kanna möguleika á því að taka inn ný líflambasölusvæði sem uppfylla skilyrði reglugerðar um líflambasölu 550/2008. Samþykkt samhljóða
2.4. Um aðild Íslands að ESB. Framsögumaður: Helgi Haukur Hauksson Aðalfundur Landssamtaka sauðfjárbænda 2010 telur að hagsmunum Íslendinga sé betur borgið utan ESB, hafnar alfarið aðild að sambandinu og styður jafnframt málflutning Bændasamtaka Íslands. Fundurinn skorar á stjórnvöld að draga til baka umsókn að ESB og beina kröftum sínum að uppbyggingu íslensks samfélags.
Samþykkt samhljóða
2.5 Framsögumaður: Jóhann Ragnarsson Aðalfundur Landssamtaka sauðfjárbænda 2010 telur mikilvægt að afurðastöðvar skoði alla möguleika til hagræðingar, hvort heldur sé með samvinnu þeirra um ákveðin verkefni, s.s. útflutning og/eða með sameiningu afurðastöðva. Samhliða er nauðsynlegt að óska eftir breytingu á 71. grein búvörulaga, þess efnis að kjötafurðastöðvar fái samskonar heimild og mjólkurafurðastöðvar til að sameinast og gera með sér samkomulag um verkaskiptingu til þess að halda niðri kostnaði við framleiðslu, geymslu og dreifingu afurða, til hagsbóta fyrir framleiðendur og neytendur.
Birgir Ingþórsson taldi spurningu hvort skynsamlegt væri að fara með þetta mál svona fram, allavega seinni partinn á tillögunni. Bragi Vagnsson velti fyrir sér hvort ekki væri hætta á að aðrar breytingar yrðu gerðar á þingi ef hreyft yrði við búvörulögunum. Sindri Sigurgeirsson sagði að búvörulögin væru til skoðunar á þingi. Arnór Erlingsson spurði út í hvort væri átt við að leggja niður afurðastöðvar með sameiningu.
Samþykkt með meginþorra atkvæða
2.6. Um þjóðlendur Framsögumaður: Jakob Sigurjónsson Aðalfundur Landssamtaka sauðfjárbænda 2010 hvetur Bændasamtökin til að standa þétt að baki Landsamtökum landeigenda á Íslandi í baráttu þeirra í þjóðlendumálum. Samþykkt samhljóða
Jakob flutti þessa vísu með:
Þjóðlendu kröfurnar þær eru bull Þörf er á aðgerðum djörfum Því við erum orðin af frekjunni full Fylgið ei yfirgangs þörfum.
Mál frá félagsmálanefnd
4.2 Um notkun og verðlagningu dýralyfja. Tillögunni var vísað aftur til nefndar.
4.4. Um upplýsingagjöf varðandi sauðfjársjúkdóma. Tillögunni var vísað aftur til nefndar.
4.5. Um dýravernd og vörslusviptingu. Framsögumaður: Guðmundur Grétar Guðmundsson
Birgir Ingþórsson lýsti ánægju með tillöguna en taldi þetta erfitt mál nema leyfisskylt væri að eiga búfé. Matthildur Hjálmarsdóttir sagði að ekki þyrfti leyfi til að eiga eða ala upp börn en samt væri hægt að svipta fólk leyfi til að ala upp börn. Einar Ófeigur Björnsson taldi að ekki væri bætandi að gera leyfisskylt að eiga búfé. Jóhann Ragnarsson taldi að ekki mætti undir nokkrum kringumstæðum gera leyfisskylt að eiga búfé.
Erlendur Ingvarsson sagði þetta erfitt mál en taka þyrfti á þessum málum.
Sigurbjörn Karlsson sagðist ekki hlynntur að leggja á leyfisgjöld, en margir bændur þurfi rekstrarleyfi t.d. kúabændur, og betra væri að taka á málum ef leyfisskylt væri að hafa búfé.
Birgir Arason sagði frá að í Eyjafjarðarsveit væri til athugunar að gera búfjárhald leyfisskylt.
Guðbrandur Sverrisson taldi að ef sveitarfélög settu leyfisskyldu yrði ekki langt að bíða að MAST yrði komin með þessa leyfisskyldu og þá kæmu fljótt reikningar.
Sigvaldi Ragnarsson sagði sig ekki fylgjandi leyfisskyldu.
Baldur Grétarsson sagði frá því að stjórn LS hefði hafnað því á sínum tíma að setja leyfisskyldu. Taldi vel koma til greina að sauðfjárbændur hefðu viðurkennt leyfi án þess að því fylgdi pappírsbákn eða gjöld. Leyfið væri til staðar og myndi endurnýjast við vorskoðun ef allt væri í lagi. Taldi það veita búfjáreigendum aðhald til úrbóta ef ákvæði væri fyrir hendi um leyfis- eða vörslusviptingu.
Tillögunni var vísað aftur til nefndar
Aðalfundur Landssamtaka sauðfjárbænda 2010 hvetur alla sauðfjárbændur til að hirða unglambaskinn af lömbum sem drepast hjá þeim á vorin. Fundurinn fagnar frumkvæði Sjávarleðurs á Sauðárkróki sem hefur gert góða hluti í markaðssetningu og úrvinnslu þessara skinna sem annars færu til ónýtis. Framsögumaður: Bjarni Bragason
Jóhann Ragnarsson spurði hvaðan fjármunir kæmu í þetta verkefni. Ármann Guðmundsson spurði út í tillöguna og hver ætti að leiðbeina bændum um framkvæmdina og meðferð skinnanna. Sigurður Eyþórsson sagði að fjármunir hefðu komið úr þróunarfé sauðfjársamnings. Halldóra Björnsdóttir leiðbeindi hvernig ætti að fara að við fláningu.
Samþykkt samhljóða
4.7. Um kynjahlutföll í trúnaðarstörfum LS. Aðalfundur Landssamtaka sauðfjárbænda 2010 skorar á sauðfjárbændur af báðum kynjum til að taka virkari þátt í félagsmálum í félagskerfi bænda. Framsögumaður: Matthildur Hjálmarsdóttir
Sindri Sigurgeirsson sagði frá starfi sínu í jafnréttisnefnd BÍ.
Samþykkt samhljóða
4.8. Um sameiningu ráðuneyta. Aðalfundur Landssamtaka sauðfjárbænda 2010 tekur undir með ályktun Búnaðarþings 2010 að mótmæla harðlega fyrirhugaðri sameiningu sjávarútvegs og landbúnaðarráðuneytis við iðnaðarráðuneyti. Framsögumaður: Arnór Erlingsson Samþykkt samhljóða Mál frá fagnefnd
Framsögumaður: Aðalsteinn Jónsson Aðalfundur LS 2010 skorar á Landbúnaðarráðherra, við innleiðingu nýrra ESB-reglugerða um merkingar gripa, að fylgja eftir ítrekuðum óskum sauðfjárbænda um undanþágu frá ákvæðum um merkingu með tveimur plötumerkjum í sauðfé, vegna sérstöðu landsins.
Greinargerð: Þrátt fyrir ítrekaðar óskir um þessar undanþágur virðist, af hálfu stjórnvalda, ekki ennþá hafa verið tekið tillit til sjónarmiða íslenskra sauðfjárbænda í málinu. Fullyrt er að Ísland eigi góða möguleika á undanþágu frá þessum ákvæðum sé þess óskað og gild rök lögð fram til stuðnings málinu.
Meðal þess sem sauðfjárbændur krefjast er að fá íslensku eyrnamörkin viðurkennd sem aðra merkinguna og þar sem lambamerkingar innan ESB virðast yfirleitt ætlaðar sem búsmerkingar ættu íslensku mörkin að halda fullu gildi, líkt og tattóvering er viðurkennd merkingaraðferð í annað eyra innan ESB. Flutningar á lifandi fé inn og út úr landinu eru ekki fyrir hendi þar sem Ísland er afskekkt eyland og ekki er hefð fyrir viðskiptum með sláturlömb milli búa innanlands eins og tíðkast í ESB-löndunum. Ein sérstaðan er sú að ríflega 90% íslenska sauðfjárstofnsins er skráður í opinbert skýrsluhald Bændasamtaka Íslands. Í ljósi ofantalinna atriða telur fundurinn algerlega óþarft að hérlendis verði merkingarreglum ESB fylgt út í æsar.
Gunnar Þórisson fór með vísu um mörk.
Mast er klár og mikið veit, minn er hugur þungur. Mörkin giltu í minni sveit, meðan ég var ungur
Samþykkt með meginþorra atkvæða
1.2. Um flokkun á ull. Framsögumaður: Guðbrandur Sverrisson Aðalfundur Landssamtaka Sauðfjárbænda 2010 beinir til stjórnar Landssamtaka Sauðfjárbænda að hún beiti sér fyrir því að tekinn verði upp nýr ullarflokkur fyrir svartflekkótta og gráflekkótta ull.
Greinargerð. Þessir litir eiga að nýtast Ístex sem efniviður í gráan lit og því synd að setja þetta hráefni í ruslflokk sem er nánast verðlaus.
Fanney Ólöf Lárusdóttir taldi að svartri og hvítri ull væri blandað saman til að fá gráa ull. Þorsteinn Logi Einarsson tók til máls um tillöguna. Guðbrandur Sverrisson sagði misgráan lit koma út, hann þurfi að meta og bæta við svörtu eða hvítu til að fá réttan lit
Aðalsteinn Jónsson ræddi um tillöguna. Anna Berglind Halldórsdóttir ræddi um flokkun ullar. Samþykkt samhljóða
1.3. Um kjötmat Framsögumaður: Anna Berglind Halldórsdóttir Aðalfundur Landssamtaka sauðfjárbænda 2010 ítrekar fyrri ályktanir um vandað samræmt kjötmat hjá afurðastöðvum sauðfjár.
Greinargerð: Enn virðist vera misbrestur á eðlilegu samræmi milli kjötmatsmanna. Hægt er að benda á dæmi því til staðfestingar.
Samþykkt samhljóða
Mál frá markaðs- og kjaranefnd Framsögumaður allra tillagna er Einar Ófeigur Björnsson.
Aðalfundur Landssamtaka sauðfjárbænda 2010 telur að endurskoða þurfi samkeppnislög. Á sama tíma og bændum er almennt bannað að fjalla um kjaramál sín hefur orðið gífurleg samþjöppun á smásölumarkaði. Nú hefur það gerst að bankarnir hafa yfirtekið rekstur nokkurra stórra búa á Íslandi. Það er einnig ljóst að sérstaða landbúnaðarins er slík að ekki er hægt að fella hann undir samkeppnislög líkt og nú er. Eigi íslenskir bændur að ná árangri með sínar landbúnaðarvörur á erlendum mörkuðum, á grundvelli hreinleika og sérstöðu, er nauðsyn að auka samvinnu afurðasölufyrirtækja og jafnvel sameina þau. Ofangreint sýnir að samkeppnislög eru úr öllum takti við raunveruleikann og þarfnast endurskoðunar. Samþykkt samhljóða 3.2. Um verðmyndun sauðfjárafurða. Aðalfundur Landssamtaka sauðfjárbænda 2010 beinir því til stjórnar LS að gera könnun á verðmyndun á sauðfjárafurðum frá heildsölustigi til neytenda. Samþykkt samhljóða
3.3. Um raforkuverð. Aðalfundur Landssamtaka sauðfjárbænda 2010 mótmælir harðlega miklum hækkunum á rafmagnskostnaði undanfarin ár. Þessi hækkun hefur einkum komið illa við íbúa landsbyggðarinnar. Hún er einnig óeðlileg í ljósi þess að á mörgum svæðum er einungis boðið upp á eins fasa rafmagn sem er ekki sambærilegt að gæðum og þriggja fasa rafmagn.
Guðbrandur Sverrisson sagði að hann hefði skoðað þetta og gríðarleg hækkun hefði orðið á rafmagni frá 2007. Samþykkt samhljóða
3.4 Um verðmyndun olíu. Aðalfundur Landssamtaka sauðfjárbænda 2010 skorar á stjórn LS að gera úttekt á verðmyndun á litaðri olíu og verðþróun samanborið við ólitaða olíu og bensín. Samþykkt samhljóða
3.5. Um skatta á eldsneyti. Ágúst Rúnarsson taldi ekki nokkra leið til að fá svona heimild. Erlendur Ingvarsson taldi sig ekki með nokkrum hætti geta keyrt á bíl með rauðum númerum. Jóhannes Sigfússon skýrði tillöguna og sagði að þetta hefði verið rætt við ráðuneyti fyrir nokkrum árum. Kjartan Jónsson ræddi um tillöguna. Fanney Ólöf Lárusdóttir spurði út í „fullt reiknað endurgjald“, hvað væri átt með því. Einar Ófeigur Björnsson skýrði tillöguna. Bragi Vagnsson lýsti ánægju með tillöguna og ræddi um bú sem væru einkahlutafélög og væru ekki með reiknað endurgjald. Sigvaldi Ragnarsson ræddi um tillöguna og sagði að víða erlendis fengi fólk skattaafslátt ef það sækti vinnu langt frá heimili. Einar Ófeigur Björnsson tók til máls. Jóhanni Pétri Ágústssyni fannst þetta eiginlega vera tvær tillögur. Ármann Guðmundsson tók til máls og taldi þetta efni í þrjár tillögur. Ágúst Rúnarsson taldi þetta einnig geta verið tvær tillögur.
Tillögunni vísað aftur til nefndar
Sindri Sigurgeirsson bað nefndina að endurskoða þá niðurstöðu að gera ekki tillögu í máli 3.12 um geymslugjöld.
Umræðu og afgreiðslu um mál 3.6 til 3.9 frestað til morguns.
Mál frá fjárhagsnefnd Framsögumaður allra tillagnanna er Gunnar Þórarinsson.
5.1 Um skuldavanda bænda. Bragi Vagnsson taldi að jörð gæti verið í ábúð þótt ekki væri matvælaframleiðsla þar. Lárus Sigurðsson tók til máls. Tillögunni var vísað aftur til nefndar
5.2. Um búnaðarlagasamninginn. Aðalfundur Landssamtaka sauðfjárbænda 2010 skorar á sjávarútvegs- og landbúnaðarráðherra og fjármálaráðherra að endurnýja búnaðarlagasamninginn sem fyrst og verði hann ekki skertur frekar en orðið er. Óeðlilegt er að hið opinbera geri auknar kröfur á BÍ á sama tíma og framlög eru skert. Sú staða sem nú er uppi er óviðunandi. Samþykkt samhljóða
5.3. Um staðsetningu aðalfundar 2011. Aðalfundur LS 2010 samþykkir að aðalfundur og árshátíð sauðfjárbænda 2011 verði haldin í Reykjavík.
Sindri Sigurgeirsson ræddi um tillöguna
Tillagan samþykkt með meginþorra atkvæða gegn tveimur.
Afgreiðslu mála 5.4 og 5.5 frestað til morguns.
Fundi frestað kl. 21.43
Föstudagur 9.apríl Fundur hófst kl 09.00
Afgreiðsla mála
4. Mál frá félagsmálanefnd (2. umferð).
4.2 Um verðlagningu dýralyfja. Framsögumaður: Albert Guðmundsson Aðalfundur Landssamtaka sauðfjárbænda 2010 hvetur stjórn LS til þess að halda áfram vinnu sinni að auknu verðlagseftirliti svo sem með birtingu verðskráa og verðkönnunum á algengustu lyfjum fyrir sauðfé. Samþykkt samhljóða 4.4. Um upplýsingagjöf varðandi sauðfjársjúkdóma. Framsögumaður: Kjartan Jónsson Aðalfundur LS beinir því til Matvælastofnunar að upplýsingar um staðfesta sjúkdóma innan hvers varnarhólfs verði aðgengilegar fyrir sauðfjárbændur og jafnframt veiti MAST bændum leiðbeiningar um fjárkaup milli búa innan þeirra. Samþykkt samhljóða 4.5. Um dýravernd og vörslusviptingu. Framsögumaður: Guðmundur Grétar Guðmundsson Aðalfundur Landssamtaka sauðfjárbænda hvetur til að vinnu við endurskoðun laga um búfjárhald og dýravernd verði hraðað, með það að markmiði að stytta og gera ferli vörslusviptingar skilvirkara.
Greinargerð: Svo virðist sem ferli vörslusviptingar á búfé í þeim málum er varða dýravernd og þar sem aðbúnaði og hirðingu búfjár er ábótavant, sé allt mjög þungt í vöfum og óskilvirkt. Leita þarf leiða til að stytta þetta ferli og gera það skilvirkara. Það er ólíðandi að alvarleg dýraverndarmál geti verið að veltast í dómskerfinu í lengri tíma. Samþykkt samhljóða 4.10 Landgræðslan a) Framsögumaður: Einar Guðmann Örnólfsson Aðalfundur Landssamtaka sauðfjárbænda 2010 felur stjórn LS að ganga til samninga við Landgræðsluna um eftirlit á landnýtingarþætti gæðastýringar. Samþykkt samhljóða 4.10 Landgræðslan b) Framsögumaður: Einar Guðmann Örnólfsson Aðalfundur Landsamtaka sauðfjárbænda 2010 veitir stjórn LS heimild til að veita 5 milljónum króna á ári næstu fimm árin í átaksverkefni um aukin gæði beitilanda í samstarfi við Landgræðsluna.
Erlendur Ingvarsson ræddi um tillöguna og var sammála meginatriðum hennar en hvatti stjórn til festu í samningum. Sigvaldi Ragnarsson tók til máls um tillöguna og var henni samþykkur en spurði hvort 5 ár væri ekki of langt. Einar Ófeigur Björnsson tók til máls um tillöguna og spurði hvort búið sé að gera ráð fyrir þessu í fjárhagsáætlun. Sindri Sigurgeirsson svaraði spurningum. Samþykkt samhljóða
Halldóra Björnsdóttir formaður félagsmálanefndar gerði grein fyrir störfum hennar. Tillögur 4.1 og 4.3 voru sameinaðar svo og 4.8 og 4.9. Tillaga 4.2 var flutt í gær á fundinum en send aftur í nefnd. Nefndin ákvað að flytja hana ekki eftir að hafa skoðað málið nánar. Halldóra þakkaði svo nefndarmönnum samstarfið.
Mál til markaðs- og kjaranefndar (2. Umferð).
Framsögumaður allra málanna var Einar Ófeigur Björnsson.
Aðalfundur Landssamtaka sauðfjárbænda 2010 skorar á fjármálaráðherra að lækka nú þegar álögur á díselolíu og bensín.
Greinargerð: Hinar óhóflegu álögur sem nú eru á eldsneytisverði koma hvað harðast niður á fólki í dreifðum byggðum landsins sem þarf oft á tíðum að sækja atvinnu og þjónustu um langan veg. Einnig leiðir þessi óhóflega skattheimta til allt of mikils flutningskostnaðar. Vert er að vekja athygli á að vegaþjónusta er nú skert frá því sem áður var. Samþykkt samhljóða
3.6 Um markaðssetningu á kindakjöti. Aðalfundur Landssamtaka sauðfjárbænda 2010 beinir því til stjórnar LS, Markaðsráðs kindakjöts og Sláturleyfishafa að gera athugun á því meðal neytenda hvað þeim finnst mega betur fara í markaðssetningu á kindakjöti. Einnig á það sama við framsetningu þess í verslunum.
Greinargerð: Innanlandsmarkaðurinn er okkar dýrmætasti markaður. Nauðsynlegt er að hlúa vel að honum og nýta öll þau sóknarfæri sem þar kunna að leynast til aukinnar sölu á okkar afurðum. Samþykkt samhljóða
3.8. Um hækkun kjötskoðunargjalds. Aðalfundur Landssamtaka sauðfjárbænda 2010 mótmælir harðlega hækkun MAST á gjaldi fyrir kjötskoðun í sláturhúsi um tæplega 110%, úr 2,10 kr/kg í 4,40 kr/kg. Sé raunkostnaður MAST við kjötskoðun 4,40 kr/kg krefjast Landsamtök sauðfjárbænda þess að MAST finni leiðir til að draga úr honum. Samþykkt samhljóða
3.9. Um sláturkostnað við heimtöku. Aðalfundur LS beinir því til sláturleyfishafa að stilla sláturkostnaði vegna heimtöku á kindakjöti í hóf. Vaxandi eftirspurn er eftir upprunavottuðu kjöti beint frá býli. Skynsamlegt er að nýta þau sóknarfæri sem því fylgja, enda styður það við kindakjötsmarkaðinn í heild og stækkar hann. Mikilvægt er því að sláturleyfishafar veiti sem mest svigrúm til heimtöku kjöts úr sláturhúsum og auðveldi framleiðendum beina sölu afurða. Samþykkt samhljóða
3.10. Um breytingar á gæðastýringargreiðslum. Aðalfundur Landssamtaka sauðfjárbænda 2010 hafnar alfarið hugmyndum Landssamtaka sláturleyfishafa um breytingar á gæðastýringargreiðslum. Samþykkt samhljóða
3.11. Lög um olíugjald. Aðalfundur Landssamtaka sauðfjárbænda 2010 beinir því til stjórnar Bændasamtaka Íslands að kanna hvort bændur sem greiða fullt reiknað endurgjald í landbúnaði, geti fengið heimild til að aka einum bíl sem er á rauðum númerum (vsk bílar) á litaðri olíu. Samþykkt samhljóða
3.12 Ályktun sláturleyfishafa um geymslugjöld. Aðalfundur Landssamtaka sauðfjárbænda 2010 telur rétt að meðferð fjármuna sem ætlaðir eru í markaðsstarf og birgðahald í sauðfjársamningi verði með sama hætti og verið hefur. Komi upp sú staða að sláturleyfishafar geri ekki samning um þessa fjármuni, líkt og verið hefur, telur fundurinn rétt að þeir peningar sem eru á þessum lið samningsins færist á gæðastýringargreiðslur. Samþykkt samhljóða
3.13 Kvótamarkaður. Aðalsteinn Jónsson ræddi um tillöguna og spurði hvort menn væru alveg tilbúnir að hafna alfarið aðkomu að þessu. Birgir Arason ræddi um greiðslumark sauðfjár, hvatti hann menn til að reyna að finna leið til að breyta því beingreiðslukerfi sem sauðfjárbændur byggju við. Jóhannes Sigfússon ræddi um sauðfjársamninginn. Birgir Ingþórsson taldi að kvótamarkaður hentaði ekki sauðfjárbændum. Aðalsteinn Jónsson flutti breytingartillögu þar sem að fellt var út að LS hafnaði aðkomu að kvótamarkaði Erlendur Ingvarsson tók undir breytingartillöguna.
Breytingatillaga Aðalsteins var tekin til afgreiðslu og samþykkt með 22 atkvæðum gegn 7.
Tillagan var síðan samþykkt í svohljóðandi mynd mótatkvæðalaust.
Aðalfundur Landsamtaka sauðfjárbænda 2010 telur ólíklegt að hugmyndir LK um kvótamarkað henti sauðfjárbændum. Fundurinn telur eðlilegt að sauðfjárbændur fylgist þó með þróun málsins og hvernig til tekst við að koma slíkum markaði á.
Einar Ófeigur Björnsson gerði grein fyrir störfum nefndarinnar. Nefndin afgreiddi öll mál sem til hennar komu.
Mál frá fagnefnd (2. Umferð).
1.4. Um fjarvis.is. Framsögumaður: Ármann Guðmundsson Aðalfundur Landssamtaka sauðfjárbænda 2010 beinir því til stjórnar LS að tryggt verði fjármagn svo áfram verði unnið að þróun Fjarvis.is meðal annars með vinnuhagræðingu í huga. Jafnframt verði komið á fót samráðshóp notenda til ráðgjafar um áframhaldandi þróun forritsins.
Greinargerð: Nauðsynlegt er að allur gagnaflutningur gangi snurðulaust fyrir sig. Það væri t.d. mikilvægt að skrá lifandi þunga með heilum skrám (Excel) þar sem á markaði eru vogir sem hægt er að keyra vigtun beint inn í tölvu. Eins að allur gagnaflutningur milli lófatölvu og fjarvis.is sé skilvirkur og öruggur.
Fyrir liggur að hluti sauðfjárbænda ætlar að nýta sér hagræðingu sem felst í notkun örmerkja. Því er nauðsynlegt að fjarvis.is sé tilbúinn að takast á við það verkefni hnökralaust. Það er ljóst að örmerking sauðfjár er töluvert kostnaðarsöm. Sá kostnaður verður að nást til baka með léttari og minni vinnu við fjárrag og slátrun. Taka þarf saman efni þar sem þessi nýja tækni og þeir möguleikar sem hún býður upp á er kynnt. Samþykkt samhljóða
1.5. Um áherslur í ræktunarstarfi. Framsögumaður: Ólafur Þ. Gunnarsson Aðalfundur LS samþykkir að beina því til fagráðs í sauðfjárrækt að skoðað verði hvort ástæða sé til að breyta hlutfalli milli fitu og gerðar í uppgjöri afkvæmarannsókna hrúta.
Ármann Guðmundsson taldi að ekki mætti hvika frá minnkun á fitu. Kjartan Jónsson tók undir orð Ármanns. Erlendur Ingvarsson taldi að tillagan ætti rétt á sér. Guðbrandur Björnsson taldi að lömb sem færu í fituflokk 1 væru ekki markaðsvara. Samþykkt samhljóða
1.6. Um samstarf við Landbúnaðarháskólann. Framsögumaður: Bragi Vagnsson Aðalfundur Landssamtaka sauðfjárbænda 2010 hvetur til nánara samstarfs LS og LBHÍ um að efla rannsóknar- og fræðslustarf í sauðfjárrækt. Jafnframt að standa vörð um Hestbúið. Samþykkt samhljóða
1.7. Um kennslubók í sauðfjárrækt. Framsögumaður: Baldvin Björnsson Aðalfundur Landssamtaka sauðfjárbænda 2010 fagnar vinnu LBHÍ við gerð kennsluefnis í sauðfjárrækt og leggur áherslu á að þeirri vinnu verði hraðað. Jafnframt hvetur fundurinn LBHÍ til að setja kennsluefnið út á netið í prenthæfu formi.
Samþykkt samhljóða
1.8. Um stefnumótun í sauðfjárrækt. Framsögumaður: Ásta F. Flosadóttir Aðalfundur Landssamtaka sauðfjárbænda 2010 beinir því til stjórnar LS að áfram verði unnið við stefnumótun í sauðfjárrækt.
Samþykkt samhljóða
Lárus Sigurðsson formaður nefndarinnar gerði grein fyrir störfum nefndarinnar. Í störfum nefndarinnar komu fram nokkur atriði sem nefndarmenn vilja vekja sérstaka athygli stjórnar LS og fundarins á.
Ullarmat: Mikill misbrestur á að mat standist, þar stefnir í vitleysu. Skoða þarf hvort framleiðendur ættu að eiga fulltrúa í ullarþvottastöð til að upplýsa hvað væri að í ullarmati. Merkjamál: Seint og illa hefur gengið að koma þessu máli á hreint, og brýnir nefndin stjórn LS á að fylgja eftir tillögunni sem samþykkt var fyrr á fundinum, skoða kostnaðarþátttöku sláturleyfishafa við örmerki.
Mál frá allsherjarnefnd (2. umferð). Fanney Ólöf Lárusdóttir formaður gerði grein fyrir störfum nefndarinnar. Það voru 14 tillögur sem lágu fyrir henni. Þær voru allar teknar fyrir en sumar voru um sömu málefnin og því sameinaðar eftir þörfum og enduðu í 6 tillögum. Einni tillögu hafði verið vísað til annarrar umferðar og hljóðar hún svo eftir að tekið hafði verið tillit til athugasemdar í fyrri umræðu: 2.2 Varnarlínur Aðalfundur Landssamtaka sauðfjárbænda 2010 skorar á sjávarútvegs- og landbúnaðarráðherra að endurskoða ákvörðun um niðurfellingu varnarlína þar sem gengið var mun lengra en starfshópur um endurskoðun varnarlína lagði til í skýrslu sem kom út 2006.
Greinargerð: Óánægju hefur gætt víða um land vegna skorts á samráði við hagsmunafélög bænda og sveitarstjórnir þegar ákvarðanir voru teknar um niðurlagningu varnarlína og upptöku nýrra. Samþykkt samhljóða
Mál frá fjárhagsnefnd (2. umferð). Framsögumaður allra tillagnanna var Gunnar Þórarinsson.
5.1 Um skuldavanda bænda. Aðalfundur Landssamtaka sauðfjárbænda 2010 skorar á stjórnvöld að setja fram raunhæfar úrlausnir á skuldavanda bænda. Mikilvægt er að sem fæstar jarðir fari úr matvælaframleiðslu til að tryggja fæðuöryggi þjóðarinnar, vegna þess vanda sem hrun bankakerfisins hefur valdið.
Fundurinn skorar á stjórnir LS og Bændasamtakanna að hafa vakandi auga með aðgerðum fjármálafyrirtækja varðandi úrlausnir þeirra fyrir sauðfjárbændur.
Samþykkt samhljóða 5.4. Fjárhagsáætlun LS. Aðalfundur LS 2010 samþykkir fjárhagsáætlun samtakanna eins og hún liggur fyrir.
Samþykkt samhljóða Fjárhagsáætlunin er með í fundargögnum og vísast til hennar þar.
5.5 Reikningar LS. Aðalfundur LS 2010 samþykkir reikninga samtakanna eins og þeir liggja fyrir.
Samþykkt samhljóða
Vísað er til reikninganna eins og þeir voru birtir á fundinum
9. Kosningar: Frá norðlendingum kom tillaga um stjórnarmenn í LS 2010 – 2013, Þórarinn Pétursson, Laufási sem aðalmann og Einar Ófeig Björnsson, Lóni sem varamann. Þar sem ekki komu fram fleiri tillögur urðu þeir sjálfkjörnir.
Frá austfirðingum kom tillaga um að kjósa skyldi um þá fjóra félagsmenn sem gæfu kost á sér til stjórnarsetu en þeir eru: Ármann Guðmundsson, Gróa Jóhannsdóttir, Helgi Haukur Hauksson og Sigvaldi Ragnarsson.
Aðalmaður í stjórn LS 2010 – 2013 var kosinn Helgi Haukur Hauksson með 24 atkvæðum Sigvaldi Ragnarsson fékk 20 atkvæði og aðrir minna.
Sigvaldi tók til máls, þakkaði stuðninginn og óskaði Helga Hauk til hamingju með kjörið. Hann baðst jafnframt undan varamannskjöri til að dreifa áhrifum um fjórðunginn.
Varamaður í stjórn LS 2010 – 2013 var síðan kosinn Ármann Guðmundsson með 25 atkvæðum.
Kosning endurskoðenda: Tillaga kom fram um að endurskoðandi verði sem áður Eymundur Sveinn Einarsson hjá Endurskoðun og ráðgjöf hf. Til vara Jóhann M. Ólafsson hjá Endurskoðun og ráðgjöf hf.
Samþykkt samhljóða
Tillaga kom fram um félagskjörinn skoðunarmann til eins árs, Albert Guðmundsson, Heggstöðum og Halldóru Björnsdóttir, Ketu til vara. Samþykkt samhljóða
11. Önnur mál
Þórhildur Þorsteinsdóttir þakkaði stjórn og framkvæmdastjóra vel unnin störf á síðasta ári. Þá kynnti hún fréttabréf sauðfjárbænda í Borgarfirði „Smalann“ sem dreift var á fundinum. Þá flutti hún hvatningarorð til sauðfjárbænda að standa saman að blómlegum sauðfjárbúskap á komandi árum.
Baldur Grétarsson fráfarandi stjórnarmaður LS þakkaði öðrum stjórnarmönnum gott samstarf á liðnum árum. Brýndi hann stjórn LS að halda vöku sinn um betri kjör til handa sauðfjárbændum og hvatti til áframhaldandi vinnu við stefnumótun fyrir samtökin.
Gunnar Þórisson fráfarandi skoðunarmaður sagðist vera búinn að vera á LS fundum s.l. 20 ár og væri kominn tími til að draga sig í hlé. Sendi hann LS aldarfjórðungskveðju með þessum orðum:
Fjórðungur aldar fram er genginn, frumkvöðlarnir ruddu veginn. Félagsins við fetum sporin framtíðin verði björt sem vorin.
Þóra Sif Kópsdóttir ræddi um þau úrræði sem væru í boði hjá bönkunum fyrir skulduga bændur og lýsti samskiptum sínum við sinn banka, sem hún taldi ekki boðleg.
Helgi Haukur Hauksson þakkaði það traust sem honum var sýnt með að kjósa hann í stjórn LS og óskaði Ármanni Guðmundssyni til hamingju með kjör í varastjórn.
Guðbrandur Björnsson flutti svohljóðandi tillögu. Aðalfundur LS 2010 fagnar hugmyndum Ingibjargar Sólrúnar Gísladóttur að fresta aðildarumsókn Íslands að ESB. Fundurinn tók undir tillöguna með lófaklappi.
Fundarstjóri gat þess að afgreiðslu mála væri lokið og kæmi tillagan því ekki til formlegrar afgreiðslu..
Fundarstjóri lagði til að fundargerð yrði send fulltrúum í tölvupósti þegar hún lægi fyrir. Þakkaði aðstoðarfundarstjóra, fundarriturum og fundarmönnum setuna á þessum fundi.
Sindri Sigurgeirsson lýsti ánægju með fundinn. Þakkaði starfsmönnum fundarins vel unnin störf á fundinum, þá þakkaði hann framkvæmdastjóra vel unnin störf, einnig Gunnari Þórissyni. Baldri Grétarssyni fráfarandi stjórnarmanni þakkaði hann gott samstarf, þá bauð hann nýjan stjórnarmann velkominn.Sindri sleit síðan fundi kl: 12.29
Fundarritari Torfi Bergsson |
LS_adalfundargerd_2010_loka.pdfTenglar
Lög og reglugerðir
Kindur.is - viltu fóstra kind?
Ræktunarmarkmið 2012
Sauðfjársamningurinn frá 2007
Breyting á honum frá 2009
Erlend sauðfjárbændafélög
