|
Þriðjudagur, 10. ágúst 2010 08:30 |
 Ráðstefna og sýning samtaka sauðfjárbænda í Bretlandi er nýafstaðin eins og sagt hefur verið frá hér á saudfe.is. Þar voru flutt fjölmörg erindi m.a. um reynsluna af örmerkingum, stöðuna í ræktunarstarfi, sjúkdóma og fleira.
Þeir sem vilja kynna sér umfjöllun um ráðstefnuna geta gert það hér. |
|
Mánudagur, 09. ágúst 2010 00:00 |
 Þeim aðilum sem áhuga hafa á að mjólka geitur og/eða ær er bent á verkefni sem er í gangi um framleiðslu á sauða- og geitaostum. Mjólkin er fryst og henni safnað saman, hún síðan send til MS í Búðardal sem vinnur osta úr henni. Gegn ákveðnum skýrsluskilum fæst greiðsla fyrir hvern framleiddan lítra en fagfé sauðfjársamnings styrkir verkefnið.
Mjaltafyrirkomulag hefur verið mismunandi milli þátttakenda sl. ár enda forsendurnar mismunandi. Hjá MS Búðardal hafa verið framleiddir brie-ostar úr innsendri mjólk, geita-brie úr hreinni geitamjólk og sauða-brie úr hreinni sauðamjólk. Ostarnir hafa fengið mjög góðar viðtökur hjá neytendum.
Áhugasamir aðilar hafi samband við Sigríði Bjarnadóttur, ráðunaut á Búgarði og verkefnisstjóra verkefnisins, í síma 460-4453 eða um netfangið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
í síðasta lagi 15. ágúst n.k. Unninn hefur verið bæklingur um sauðamjaltir sem hægt er að senda til þeirra sem vilja. |
